曼联都试过歧视残疾人士

曼城球迷歧视脑瘫爱华顿粉丝畀人闹爆，其实之前曼城死敌曼联都卷入歧视丑闻。「红魔鬼」试过将残疾人士嘅拐杖评级为「危险性武器」，黐线到要没收拐杖直至完场为止，冇人性行为惹嚟各方炮轰，仲畀网民闹爆呀！

查实曼联歧视残疾人士早有前科，唔单止试过拒卖季票畀佢哋，之前仲违反英超赛会制定至少要提供280个轮椅座位嘅指引，只系提供120个出嚟，摆明系搵钱至上，漠视残障球迷。

而上季曼联主场斗阿仙奴场英超赛事，有奥脱福球场职员拒绝畀1位80后残疾人士入场，理由系对方冇预先申请会用带备拐杖。事件惹嚟轩然大波，最后嗰位球迷喺义工团体协助下终于有位坐，但曼联职员就以「拐杖系危险性武器」为由，没收佢支拐杖，完场后先交还，劲冇人性！