m18讲场：领展员工点解要学坐轮椅？

平日出街要行楼梯，对大部分人嚟讲好普通，但对残疾人士嚟讲，5厘米石级仔都可以系重大障碍。香港伤残青年协会最近就为领展房地产投资信托基金嘅员工同商户，搞咗个无障碍大使训练，两场训练总共有50人出席。

3位导师本身都系轮椅使用者，佢哋分组带学员以轮椅代步，去乐富广场不同店铺扮买嘢或尝试用社区设施，亲身感受一下伤残人士日常生活。令大家更明白伤残人士嘅需要，知道点样可以正确协助佢哋。

其实伤残又点止坐轮椅一样呢？10月8日领展就喺乐富广场A区，邀请大家免费试吓以无障设施为主题嘅体验，代入视障、听障等角色去完成任务，仲有礼品送架。