有心男开旅行社专接待轮椅人士 跳伞游水乜都齐

社会成日话要建立「无障碍空间」，为残障人士设计特别工具方便佢哋日常活动，唔少地方都开始陆续有新发明去帮助轮椅人士，不过除咗日常基本生活所需外，似乎无乜人关心过残障人士嘅外游需要喎。

喺巴西，就有一位有心人设立咗一间专为轮椅人士服务嘅旅行社呢！呢位仁兄名为Ricardo Shimosakai，本身亦为轮椅人士，本身热外旅游，可惜2001时遇上意外，之后就要依靠轮椅行动。及后Ricardo开始发现根本无旅行社专为轮椅人士服务，因此决定自己开办，希望轮椅人士可以畅游巴西。目前旅行团接待嘅大多为轮椅人士及其家人，Ricardo早早已经同多间酒店及餐厅商量合作，可以一次过接待多位轮椅人士。当年就有一行20人来自以色列，当中有10人要坐轮椅，搵唔到酒店接待，到埗后先急急搵到Ricardo作紧急安排。

咪以为轮椅人士只可以行街睇景点咁闷呀，Ricardo为咗令佢哋一样可感受巴西狂野一面，安排咗劲多刺激活动，例如喺尼罗河游水、乘四驱车穿越亚玛逊森林、甚至潜水、Skydive等，完全系不受身体机能所限呢！Ricardo仲话希望世界各地都会有人效法佢，建立专为轮椅人士服务嘅旅行社，令佢哋可以周游列国，多谢您呀