试搭低地台小巴 陈帆帮陈恒镔推轮椅

小巴地台高、又有梯级，对行动不便嘅朋友好唔方便，但嚟紧大家终于可以舒舒服服咁搭喇！Kelly收到风，全新十九座低地台小巴终于落地，昨日仲开放畀一众立法会议员同政府官员参观！期间民建联立法会议员陈恒镔仲坐上轮椅，由运房局局长陈帆推佢上落低地台小巴，向行动不便乘客大派定心丸。

为咗配合政府政策，业界自资一百五十万，入咗批低地台小巴，正在验车，最快下月开始试行来往坚尼地城至玛丽医院嘅54M线，对轮椅使用者嚟讲绝对系好消息！昨日开放参观嗰时，运房局局长陈帆仲拍住立法会议员陈恒镔示范点用轮椅上落，大赞地台够方便啊！专营商进智公交行政总裁陈文俊仲承诺，唔会将成本转嫁畀消费者，大家有福喇！