最近去長沙灣在工廈林立地方，想找個地方去hea都不知去那裡？打電話給深水埗朋友她介紹一個好地方給我，她說那個地方可以洗滌心靈，暫時忘卻煩憂，最重要是輪友都可以去到，呢間cafe雖然置身於工廈內，佔地甚大，環境非常舒適寬敞，裝修以淡綠色色調為主，木製桌椅、籐椅、榻榻米等等，每一個地方都花盡心思，每一角度都係打卡位。cafe餐牌供應有小食、全日早餐、焗薯等數款輕食，訂價十分合理。餐廳還有寄賣衣物、飾物、耳環等等，非常文青feel，可以慢慢睇慢慢選，係度渡過一整個悠閒既下午！
淡綠色既色調非常舒適，令人有放鬆既感覺，再加上木製桌椅簡單舒適令人有放鬆既感覺
籐椅位清新舒適
全店座位數量不算多，劃分不同角落，顯得空間感足，用色以白、木色為主調，配襯植物、乾花裝飾，環境愜意舒適
治癒羔羊餐牌供應有小食、全日早餐、焗薯等數款輕食。甜品有千層蛋糕、乳酪蛋糕、窩夫等。飲料有咖啡、花茶、梳打等。惠顧主食，飲料可以減$8；或滿$150則可以8折換購甜品，每位最低消費$30。
「黑松露蝦芝士焗」係佢地招牌主食
「紫薯楓糖」唔單止顏值高，仲可以食到粒粒紫薯，紫薯迷一定唔可以錯過！
青提汽泡飲，除了青提，有草莓、蝶豆花等配搭的汽泡飲品，製作簡單。青提切半加汽水，是能夠想像到的味道，絕不會中伏
整體而言，治癒羔羊cafe環境舒適，價格屬合理範圍。這類型cafe不多，去開長沙灣一定要幫襯啦。
地址:九龍長沙灣福榮街344-348昌發工廠大廈D座9樓8室