【飛夢成真】殘疾兒童出遊如打仗 醫生紙證明先飛得

上月舉行的夢飛行計劃，幫助了44個有殘疾兒童的低收入家庭實現旅行夢想，去台南玩三日兩夜。「好多我哋覺得好容易的事，對佢哋來講，其實有好多難關要衝破。」昇昇就讀的靈實恩光學校，主任溫敏寶（寶老師）從事特殊教育多年，這次亦有隨行。她的三位學生均須坐輪椅，出發前先須獲得醫生紙證明適合飛行。「我們初頭好天真，以為飛機有輪椅位。怎知原來沒有，全部輪椅都要過凳。」航空公司安排優先入閘，一行十來人有醫生、護士、物理治療師、義工，幫忙推輪椅、抱小朋友過座椅，然後要將不可摺叠的大件輪椅，拿回去寄艙。

物理治療師陳麗德表示：「佢哋本身肌肉張力較高，由於腦部控制出現問題，當佢哋感到緊張或興奮時，肌肉會不由自主地活動。」由於身體支撐較弱，容易從座椅上滑下，需要用背心帶將身體固定。而飛機升降時的氣壓，亦會造成不適，昇昇則會打自己的頭，另一位同學則會抓傷自己，惟有連手腳都要綁緊，令他感到辛苦。寶老師則說：「我們可以吞口水，或找事物轉移視線去克服。但佢哋唔識點表達，變相便將自己的負面情緒發洩出來，有時會引來其他人的目光，家長也會介意。」起飛後，又要不時幫他們轉坐姿，做伸展運動，助他們放鬆，一程飛機，恍如打了場仗。「呢種上機安排，有錢都做唔到。」

去到當地，安排上亦要好謹慎。除了有醫護人員隨團，每兩個家庭，亦有一位義工照顧，減輕爸媽們的壓力。其實簡單每次上落車，開、收輪椅已經可以用上半小時。去到安平古堡，有石級部份上不去，足足幾位義工才抬到輪椅上去，可想而知，如果只得爸爸媽媽帶着，幾乎是不可能的任務。