曼聯都試過歧視殘疾人士

曼城球迷歧視腦癱愛華頓粉絲畀人鬧爆，其實之前曼城死敵曼聯都捲入歧視醜聞。「紅魔鬼」試過將殘疾人士嘅拐杖評級為「危險性武器」，黐線到要沒收拐杖直至完場為止，冇人性行為惹嚟各方炮轟，仲畀網民鬧爆呀！

查實曼聯歧視殘疾人士早有前科，唔單止試過拒賣季票畀佢哋，之前仲違反英超賽會制定至少要提供280個輪椅座位嘅指引，只係提供120個出嚟，擺明係搵錢至上，漠視殘障球迷。

而上季曼聯主場鬥阿仙奴場英超賽事，有奧脫福球場職員拒絕畀1位80後殘疾人士入場，理由係對方冇預先申請會用帶備拐杖。事件惹嚟軒然大波，最後嗰位球迷喺義工團體協助下終於有位坐，但曼聯職員就以「拐杖係危險性武器」為由，沒收佢支拐杖，完場後先交還，勁冇人性！