輪椅鬥士控訴梁走數

警方在7.1大遊行前兩周，大舉拘捕示威者，包括輪椅人士葉榮。他慨嘆，這個政權弱勢到一個地步，連殘疾人士也懼怕。他呼籲所有香港市民站出來，控訴不斷走數的梁振英政府，「話畀弱勢政府聽，我?隻眼唔係盲，唔可以迴避公投七十幾萬人?訴求」。

討厭被指遭人利用

葉榮出生時醫療失誤傷及脊椎，手部痙攣，但從不以弱者自居，「輪椅只係等於健全人?兩隻腳，我唔會相信輪椅大晒、有特權」。他三、四年前與傷殘人士在7.1上街，警察不懂處理，「覺得我?麻煩，一句話危險就耍你走，叫你退後」。2012年梁振英當選特首，葉榮在點票會場外示威，警察聲稱危險，用橙色膠繩包圍他一人。葉榮開動輪椅衝開警方防線，用脖子撞斷索帶，「我都有權示威，自己做過??自己負責」。

近年7.1警員開始在遊行為殘疾人士準備斜板或安排兜路，葉榮繼續上街。早於梁振英競選時與網民聚會，葉榮已經用輪椅擋住梁的座駕。梁曾承諾為聘用殘疾人士的僱主提供免稅優惠，當選後例牌走數，連約見的機會都沒有，只能上街表達。他討厭別人說殘疾人士遭人利用，「上街係因為不滿政府同制度。咁辛苦，冇人逼到我?出去」。