旺角人來人往，在街上動作大少少都會撞到人，食肆更不用多說，不是太細便是要等位，更甚者很多都是一級餐廳 (門口有石級)，唔通輪友想安安樂樂慢慢食得唔得？最近有個朋友介紹在一間Cafe給我在旺角登打士廣場，她說地方夠晒大，空間感十足，最重要是大廈入口有斜道很適輪友前往。小妹馬上約朋友去試試。
Cafe在登打士廣場5樓全層，地方寬敞，燈光柔和，裝潢都比較簡約，檯凳唔會放得太過擠迫和朋友談天說地一流。
餐牌圖文並茂清清楚楚列明飲品/食品的材料、功效和價錢，唔識字都唔驚！
黑松露油炒鮮帶子虎蝦意粉，散發住超濃郁嘅黑松露香味，意粉爽口，帶子鮮甜加上大大隻虎蝦，整體味道更加獨特香濃。
啡菇白菇伴蕃茄意粉 - 全素的意粉最適合素食的人士，大大隻的蘑菇非常juicy！
意式煙肉蛋汁意粉 - 這個意粉的汁非常多，香味濃郁。
艾利奧 - 酸酸甜甜，十分開胃！
美顏水果冰茶 - 草莓橙奇異果三種水果加紅茶，超大杯兩個人飲都無問題。
Haagen-Dazs雪糕心太軟 - 朱古力醬加上凍冰冰嘅雪糕，泠暖交融，口感一流。
軟滑橙酒梳乎厘 - 外層灑上咗糖霜，配上新鮮藍莓同香橙裝飾。
我們足足竇留三小時，整體來說，價錢合理，地方寬闊，很適宜我們輪友前往。